JINGLE ON MY SON!

JINGLE ON MY SON!
A doughty champion of his local culture.(Poet Tom Hubbard)Your performance at the city hall was soooooooooo good! Christoph thought it was excellent! (Carolyn)

2.12.10

The Freedom Come All Ye


Roch the wind in the clear days dawin'
Blaws the cloods heelster gowdy ow'r the bay
But there's mair nor a roch wind blawin'
Through the great glen o' the warld the day.
It's a thocht that will gar oor rottans
A' they rogues that gang gallus fresh and gay
Tak the road an' seek ither loanins
For their ill ploys tae sport an' play

Nae mair will the bonnie callants
Mairch tae war when oor braggarts crousely craw,
Nor wee weans frae pit-heid an' clachan
Mourn the ships sailing doon the Broomielaw.
Broken families in lands we've herriet
Will curse Scotland the Brave nae mair, nae mair.
Black and white, ane til ither mairriet
Mak' the vile barracks o' their masters bare.

So come all ye at hame wi' freedom
Never heed whit the hoodies croak for doom
In your hoose a' the bairns o' Adam
Can find breid, barley bree an' painted room.
When MacLean meets wi's freens in Springburn
A' the roses an' geans will turn tae bloom
And a black boy frae yont Nyanga
Dings the fell gallows o' the burghers doon.



HAMISH HENDERSON


the jingling geordie

My photo
whitley bay, tyne and wear, United Kingdom
poet and raconteur